Maraming netizens ang nag-react sa itinawag ng actress-dancer na si Yassi Pressman sa kanyang boyfriend na si Camarines Sur Governor Luigi Villafuerte.
Hindi lingid sa kaalaman ng marami na laging agaw-pansin sa social media ang magkasintahan dahil sa kanilang public display of affection o PDA moments na madalas nangyayari sa mga event ng batang gobernador sa kanilang probinsya.
Matatandaang kamakailan lamang ay nag-viral at mainit na pinag-usapan ang intense kissing scene ng dalawa sa Kaogma festival ng probinsya.
Ngayon, muling pinag-uusapan sina Yassi at Gov. Luigi.
Ito ay matapos tawagin ni Yassi si Gov. Luigi na “water of her life.”
Post ni Yassi tungkol kay Luigi Villafuerte
Sa kanyang post, ibinahagi ni Yassi ang isang maikling video nila ni Gov. Luigi habang nagde-date sa isang beach, na may background music na “Ikaw Lang Patutunguhan” ni Amiel Sol.
Naka-highlight sa video ang makahulugan at matamis na lyrics ng kanta na tila nagpapahayag ng kanilang nararamdaman para sa isa’t isa.
Narito ang lyrics ng kanta:
“Di mawawala/Gabay ang kalawakan/Dama ang pananabik/Ako’y papalapit na, giliw/Parating nang dapithapon/ At kay sarap umuwi, sa’yo/Kaya tuwing gabi/Ako’y nananalangin dahil/Kay palad na ikaw/Ang kapiling ko sa ilalim ng buwan/At kay saya na ikaw ang katabi ko sa pagsikat ng araw”
Sa caption, ipinahayag ni Yassi na si Gov. Luigi ang “water” ng kanyang buhay.
Ani Yassi, “you are the water of my life @vincenzo.luigi & i miss you all the time [heart-hands emoji]”
Samantala, kung si Gov. Luigi ang tubig sa buhay ni Yassi, si Yassi naman ang “love of his life.”
Sa isang talumpati, pinasalamatan ni Gov. Luigi si Yassi na naging inspirasyon umano niya upang maging posible ang lahat.
Aniya, “I truly believe pag inspired, lahat possible. Kaya I want to thank the love of my life for supporting this event. Babe, maraming-maraming salamat. Thank you, I love you so much. Thank you. Mwah. I love you babe. Let’s give her a round of applause.”
Nag-react ang maraming netizens sa pagiging sweet sa isa’t isa nina Yassi at Gov. Luigi.
“This is what happens when you finally find your other half that completes you. So happy for you Yassi”
“Wow angsweet nman love it I’m very happy to both of u.Gov. Luigi always take care of yassi.I know she’s in good hand.keep safe always”
“So sweet, rooting for your happiness girl and your boyfie, God bless!”
“Sarap ma in love sweet ni yass alagaan mo c yass gov.”
