June 18, ginanap ang “Hitman David Foster and Friends Asia Tour 2024” concert ni David sa Smart Araneta Coliseum kung saan isa si Stell sa mga guest performer.
Nalagpasan na nga ba ng P-pop singer na si Stell Ajero ang husay ni Charice Pempengco sa pagkanta?
Pinagmulan ng debate sa social media ang outstanding performance ng “All By Myself” ng SB19 lead vocalist na si Stell Ajero sa concert ng sikat na Canadian record producer-composer na si David Foster.
Pag-awit ni Stell ng “All By Myself”, umani ng papuri
Isa nga sa mga naging highlight ng concert ni David ay ang pag-awit ni Stell ng “All By Myself” ni Celine Dion.
Umani ito ng palakpakan at papuri mula sa audience dahil sa napakalinis at napakataas na pag-awit ni Stell sa kanta.
Maging sa social media ay usap-usapan din ang performance ni Stell.
Ngunit bukod sa papuri, hindi rin naiwasan ng maraming netizens na ikumpara ang pag-awit ni Stell ng “All By Myself” sa pag-awit ni Charice Pempengco, na ngayon ay kilala bilang Jake Zyrus.
Hindi lingid sa kaalaman ng marami na isa si David sa mga taong nagpasikat kay Charice sa international music scene.
At madalas awitin ni Charice ang “All By Myself” sa bawat concert ni David noon.
Sino ang mas magaling kumanta: Stell or Charice?
Pero sino nga ba ang mas magaling? Kung ang netizens ang tatanungin, parehong magaling sina Charice at Stell.
Ayon sa netizen, totoong wala raw makakalampas sa galing ni Charice sa kantahan at biritan na anila ay “incomparable” raw.
Pero hindi rin umano dapat ikumpara ang pag-awit ni Stell kay Charice dahil lalaki ito at iba ang timbre ng boses nito.
Gayunpaman, hindi maikakaila na talagang mahusay ang pag-awit ni Stell at papasa siyang “male version” ni Charice.
Samantala, maging si David ay humanga sa boses ni Stell.
Mismong si David na rin ang nagsabing malayo ang mararating ng boses ni Stell.
Ani David, “Wow, what a voice! He’s got a major career ahead of him.”
Komento ng netizens sa “All By Myself” performance ni Stell
“No one can surpass Charice (Jake Zyrus) rendition of this song, everytime kinakanta niya ito standing ovation. But Stell Ajero did a great job performing this song. Stell is indeed have the strongest vocal in the Ppop.”
“ALL BY MYSELF is the most difficult song to sing !! Charice is one of the most legendary sa pagkanta ng song na yan, but remember this, Stell is a male pero yung vocal niya is world class stell is the new era of ALL BY MYSELF now a days!!”
“Fave ko talaga tong performance ni Charice. Pero bakit parang mas mataas pa yung version ni Stell? Grabe kana @stellajero_ ikaw na talaga”
“There is no denying that Stell of @SB19Official is the male Charice.”
“This man will definitely go places. The PH stage is too small for this kind of talent.”
“Namiss ko tuloy si Charice. I remember watching her sa David Foster con in her pink dress sa Araneta. A superb experience as her fan. Celine-Charice-Stell, hit the high notes for All By Myself”
“Grabe This brings back the Charice-David Foster era. Those runs paired with high notes? No one else had come close in covering “All By Myself”. No one else. Until Stell.”
“Grabe ang galing ng all by myself ni stell, siya lang nakatapat kay charice pinoy din ang tumapat sa pinoy”
